 |
Questa pagina a no l'è stæta corretta. | |
non vegne à mette mà
non m'incallo à piggià
cose o m[']uoè dame
31
O ven sempre à gueitame
e l'ho sempre adderrè
se son con ro paniè
per Ciazza Nuoeva
32
E puoè quando o me truoeva
in Ciappa, ò à ro Maxello
sempre con ro cappello
o me sauua
33
E quando per ventura
ro mostro de no veì
che me piggio piaxeì
faro astizzà
34
Vuoì ro veì passeggià
fascioù come un dezerto
con dì: cose haggiè feto
à questa chie
35
Mi me ne ven da rie
ma si ben me ne fa mà
che no posso quietà
se no ro miro
36
E liè con un sospiro
me dixe: ro miè cuoè
dimme cose ti vuoè
da a mè personna
37
Lantoa me tegno bonna
e per fao desperà
