 |
Questa pagina a no l'è stæta corretta. | |
5
D'accordio chiù che mossi* per senà,
S'andammo tutti a Tora incaminando,
In sto mentre vegghemo sparegà
Torchie, Ferriolli Rossi, e rimirando,*
Chi è questo chi ne ven lì à visità,
Eccate ro Signó Conte Morando
Ro qua per allogiane in Casa sò
Tutto quello che o fè dì non se può.*
6
Ri compimenti in somma se compin
E un miezo terme foì ra concruxion
Che resteremo* all'un deman mattin
Per fà là in casa sò collation.
Fra tanto o ne mandà lì un serto vin
Che se ben l'era tardi o parse bon
A tal proposito* disse un Signorino
Tardi non gionge mai favor divino.
