 |
Questa pagina a no l'è stæta corretta. | |
Sciù ro derrè per poei fuzì ra scuoera,
Tutti duì intro montà stavan de foera
15
Montemo in somma, e in doe cazzè de scotta
In poppa gh'arrivemo de galoppo
Ma in tro chiu bello ohimè piggia ra votta
Ra Roea dra fortunna no stè troppo
E n'intravegne a noì giusto sta votta
Com'occorse all'Aze là d'Isoppo
Che per no pensà gueri all'avegnì
De donde l'era introù non poè chiù uscì.
16
A penna semo destachè de là
Che ro vento de Terra incancario
Commensandone a dà noeva de Cà
Ne menazza de mette a mà partio
In cangio de tornà a terra andaimo in là
Fescimo veira con un cuoè abertio
Ma nò forza, dixan tutti anemo* via
Ch'investiremo forsi a Sant'Andria.
