 |
Questa pagina a no l'è stæta corretta. | |
7.
L'è vei che chiù contento o se retroeva
Un marinà ch'e pratico, e varente
Trovase sotta unna Navetta noeva
Quando de navegà voeggia o se sente
Che lantò dell'inzegno se fa proeva
E bezoegna intre l'arte esse levente
Che no sacciando ancon ra so natura
O navega (poè dise) a ra ventura
8.
Quando hemmo sotta un bon massiscio legno
Sodo, rezente, e fito intre l'andà
Mettemmo drito ro Timon a ro segno
Là onde infin havemo da Navegà
E quanto poè caccià senza retegno
Femmo ra veira meistra carregà
E fassando in ro mà squarzi soavi
Femmo un camin, che manco ri Diavi.
