In tra fruta de megio ro pei rossetto,
Dre gioie ro Diamante è ro ciù bello.

Tra i fiummi Po, tra monti Olimpo han vanto,
Tra scioi ra Ruoesa, e tra metalli l'Oro,
Ro Só fra ri pianeti vá atretanto.

Comm'un Giove in tri Dé dro sommo choro,
Così in talento, in gratia, e dose canto,
Fra ri comici Aurelia vá un tesoro.

Ben l'è unna Donna d'oro,
S'in fin ro nomme mostra a ra desteisa,
Ch'in somma a vá tant'oro quant'a peisa.


Sonetto


Semmo a Zena, o Patron tropp'in bricolla,
Non son ciù quelli tempi badamenti,
Che per fin con re Donne, e con ri fuoenti
Puoeivi negotiá sciù ra parolla.

Ta davanti ve fa ra gramignolla,
Che puoe deré ve ponse bravamenti,
Ri ciù innosenti son ri ciù leventi,
Ra fe vacilla, e ra conscienza molla.

Gh'en sert'hommi che puoeran li San Lucchi,
Puoescia ro sò evangelio è ra boxia,
E con questi Griffoin meschin ri cucchi.