 |
Questa pagina a no l'è stæta corretta. | |
Perche o me pá un fanetto,
Ch'in savei ro sò quinto o sé ben lesto.
Ma a sò suoé per contrario
Un hora ghe pá mille
De daghe bon recatto,
E a ne stà assé in fretezzo,
Fassandone boghezzo,
Per lisciase lié assie
E metttese lié assì un poc'in stirezzo.
Ch'a commenza a cantá
De n'orei dormí sola, ch'a l'ha poira
Che quarch'un ra grafigne,
Ma ch'a s'oe accompagná.
Quella si che l'e brava
In manezá caviggie,
A veira fá pizzetti,
L'e un lavó si eccellente,
Che, creime a mi, vuoi ve ghe perderessi;
Se ra vei lavorá,
No se puoé dí comm'a ghe fa scuggiá
Si ben quella caviggia,
E si fito a a maneza, a fe de can,
Ch'a no se ghe vè in man,
Li con tanta destrixe,
Che ghe cresce o lavó, che no se dixe.
Ma de Nicheozinna
Dime cose ve pá?
Man. Sta chì l'e unna garzonna
Da fá bonna riuscia,
Ma a l'e anco affigiorá
Solo bonn'a treppá
Intorno a re demore,
