 |
Questa pagina a no l'è stæta corretta. | |
E mette ro croscente[sic] in casa sò,
E mi che ghe son steto dí ve posso,
Ch'a se fa ro pan grosso,
E si ben a no spremessa,
A vive con larghessa,
Me dixan ri vexin, si me ro crou,
Che ra carne gh'avanza in tro taggioù,
Non ra puoeivi trová megio de questa.
A l'ha un bon zove puoe chi sa pescá,
Bon da negotiá,
E chi porta l'onó sorva ra testa,
A l'ha unna muoere bonna,
Bonissima personna,
A l'ha con lé sò suoe, chi fa pizzetti,
E a lavora si ben,
Ch'a bosca a ri zitten
Dre votte de diné belli sacchetti;
Perchè in somma chi vuoe dri suoe lavoi,
A ri sa fá spuá d'in tro bazí.
A l'ha parenti puoe comme se dè,
Che me ne son informoù,
L'è nezza de Vincenzo dri Bertè,
Ommo che d'in tre mille era stimoù,
E l'avo dro besavo de sò avo
In tre guerre de Fiandra era un Diavo.
Muoe vegnireiva a cavo
Se tutt'havesse a dí,
Che per quant'in lodara me remescie,
Ro sogetto de longo in man me cresce.
