 |
Questa pagina a no l'è stæta corretta. | |
Carissima meité,
Si ben ro scio Giruoemmo de Marin
E' l'ho pe ro carzuoé dri mé patroin,
N'oeggié vegnighe, e cose sará muoé?
Ro scio Zane Fransesco, e ra Signora,
N'oeran manco che vegne in sò bonn'ora.
Savei, che per Ponseivera è vegnuo
Tant'egua, e l'è ciovûo,
Che non se può passá dall'atro canto?
Si ben sò che direi vuôi, che milanto,
Che chi Gio: Pero vostro se reposa,
Non za per l'egua, ma pe un atra cosa;
Ma no sté a fame dro santificetur,
Che nemo ad impossibile tenetur.
S'havei poira dri morti questa seira,
Feve mette a ri pé
Ro vostro cenderé
Co unna longa candeira,
O pu comme è raxon, comme se dè
Preghemeve d'appè,
Mentre mi con ro dose attend'ancuoe
A famero chi ciove sciù ro cuoe;
E mentr'il buon liquor su l' cuor mi piove
Nettare, e ambrosia, non invidio a Giove.
