 |
Questa pagina a no l'è stæta corretta. | |
E Giove mesmo con sò gusto estremmo
Ghe vè pre insegna l'aquila portá,
Passa parolla a sento voxe in choro
Fransesco Imperiá l'è un ommo d'oro.
8
Si che mi mesmo vistome sforzoù
Da ra voxe dro popolo e dri Dé
Eccave chì che Mommo inamoroù,
Cangia ra colloquintida in amé,
E comme vostro s[c]ciavo incadenoù
V'oré puoei mette sciù ri sette cé,
Si ben no diré ben quanto conven
Se quanto sò dí mi dixesse ben.
9
Donca zà che v'aspetan ri Sestrin
Comme ri Hebrei za favan ro Messia,
Incamineve e con vuoi vagghe in fin
Consciorte così degna in compagnia,
Re baranze d'Astrea piggié in tre moen
A seze in tribunale andé pu via
Che re sedie terrenne, se no m'aro,
Son per vuoi dra celeste ro caparo.
