 |
Questa pagina a no l'è stæta corretta. | |
Eccate un atro in ciassa, eccat'in fin
Desconso ro mé suoenno dra mattin.
Se vuoi no me desciassi, a fe de can,
Ghe l'oreiva durá fin'a deman.
Lustrissimo patron,
Puoe che m'havei lascioù
Ve scrivo chì, cose me son sunoù;
Ma se me direi vuoi
Che de fá versi in fin no me n'intendo,
Me me scuso con dí
Che ri ho feti dormendo.
Quando in ri primmi tempi ro Segnó
Fè sto mondo si bello e si riondo,
O fè tra i atre cose de stupó
L'isore fortunate in fin dro mondo.
Puoescia in un serto tempo unna de ló
Se ne scuggià invisibil'a ro fondo,
Ma ro Segnó mi diggo o ra levà
E in questa zimma chì ra trasportà.
E se primma isorá da ra marinna
L'era fra tutte ra ciù bell'e bonna,
Oura, comme s'a foise unna reginna
