 |
Questa pagina a no l'è stæta corretta. | |
Sonetto
Ho visto ro Carrega a ra banchetta,
E ra banchetta in forma de carrega,
Si che son doe carreghe, e unna banchetta
Si che son doe banchette, e unna carrega.
Se mi puoesse depenze ro Carrega
Con ri mesmi coroí dra sò banchetta,
Non se cognoscereiva ra carrega,
Non se distinguereiva ra banchetta.
Così ogn'un che mirasse ro Carrega
Stimandose de seze a ra banchetta,
Caghereiva in tro moro a ro Carrega.
Ma spuzza ciù Carrega dra banchetta,
Anzi pá che se sdegne ogni carrega
De ciamase Carega, e non banchetta.
D'un scolaro de Giurian.
