E ri penelli suoe comme puoei vei
A reverso dri atri han ro pei

Amó l'è bon soldatto
Dra militia l'è prattico
E quand'o tira un corpo con ra lanza
Guardeve donne mé sotto ra [...]

Amó l'è mattematico
D'astrologia l'è prattico
E o no mesura ciù stella nisciunna
Quand'a ra sfera l'è arrivoù dra lunna


Baxo rapio


Perchè v'ho deto un baxo
Donca tanto foró?
Con dime can e azonzeghe treitó?
Se me tratté da can
N'importa ninte ni chì stà ro feto,
Perchè za tutti san
Che mi dra fedelté son ro retreto,
Ma quello matrattame
Giusto comme se foise un Giudda infame
N'havei raxon, e ro puoe dí chi gh'era,
Se mi ve son vegnuo da ciera a ciera:
Ma se da puoe vorrêi
Un baxo che v'ho deto
Stimaro tradimento
Fé re vostre vendette
Tradime a questo muoeo che me contento.