 |
Questa pagina a no l'è stæta corretta. | |
Lascia a ra guerra de tirá ro carro,
Per doventá Cavallo de San Zorzo.
Con raxon ra raxon mi ve ne porzo,
Mentre da ra raxon non me desmarro,
O sentí, l'è perchè mi no fass'arro,
Ciù d'un Ercole orei puoei fá dro Zorzo.
Che se lé, doppo d'havei scorrattoù,
Misse sciù re colonne a ri viandanti
Ro non plus ultra tanto nominoù;
Ro gran Cavallo mostra a tutti quanti,
Ch'appenna a re colonne l'è arrivoù,
Che de carrera o vuoe passá ciù avanti.
Patron mio dolce tenero, et amabile
Me dixan tutti chì, ch'hei feto gemini,
Ch'havei mescioù con ra comá ri semini,
E che gh'hei mostroù fá l'oro potabile.
Se l'è vera sta chì, l'è insopportabile,
A cria da mille miggia bastonemini;
Ma se declinno ben ro verbo memini,
Ancora a no me pá così probabile.
Ma sei che l'è? Ra Donna per natura
