 |
Questa pagina a no l'è stæta corretta. | |
Ch'o n'è così lengié da cré in sonetti,
Ma con moralité senza fioretti,
O vuoe fá vei che lé tira a ro fruto.
A chi tocca sto fruto, haggié pu a caro
D'impará questa chì da un bell'umó,
Che comme in ro chiguoemaro in l'amó,
Ra zimma è dose, e puoe ro fondo è amaro.
Amó l'è giusto comme re serexe,
Perch'o tira con lé sento tapolli,
Re serexe garbuggian ri pegolli,
Però chi ne tir'unna ne ven dexe.
Patronna mé non ve fié de rolle,
Che questi zerbinotti, in concrusion,
Comme seolle van tutt'in canon,
Et han ciù scorse in fin che re seolle.
A chi tocca sto fruto bell'e bon,
Ro mostr'un poco a quello chi gh'è appè
E s'o domanderà, che figo l'è,
Ch'o ghe responde che l'è un arbicon.
