 |
Questa pagina a no l'è stæta corretta. | |
Demoghe sciù re s[c]ciappe un bon Cavallo.
Ma l'è un sato in tr'un ballo,
E za veggo re muse persuase
De scusaro, con dí: l'è un trotto d'aze.
Da puoe s'in quelle case,
O boschi dond'Appollo ha ro sò imperio,
Celebran dro Cavallo ro misterio,
S'adoran ro misterio
Dro Cavallo re muse, cré me vuoeggio
Ch'ancon quello dell'aze gh'impe l'oeggio.
Sonetto
Ra marotia, ra cura, o testamento,
E ra morte dell'aze havei descrito
Sció Giurian, e havei così ben dito,
Che ben v'intende qua se vuoeggie fuoento.
Ro parlá vostro puro comme argento,
Fa gustá ro piccante, e l'erudito,
Ch'havei caccioù in questo vostro scrito,
Onde sté in pruoeva a forza d'argomento.
Se in l'aze vuoi mettei tanta prudenza,
Che vanto puoé daremmo a ri serpenti;
Che son prudenti per commun sentenza.
L'aze no, ma sei vuoi ch'havei ri denti,
Per adentá chi ha poca conscienza,
E cognosce ri furbi, e ri leventi.
