 |
Questa pagina a no l'è stæta corretta. | |
Con fá a quarch'unna fá l'oevo squagioù,
Dri poveri piccioin ch'o l'ha scannoù,
Dri Tordi ch'o perà,
Oura ro Cé de tutti, a dira s[c]cietta,
Fa con ri stessi mezi ra vendetta.
Che doppo d'ese meuro, e consumoù
De st'oxello Griffagno ro peccoù,
Ro gran Giove sdegnoù,
Voggiando furminaro,
Ha permisso ch'Astrea per condannaro
Ro piggia d'in tre l'era a ro sorchetto
In tro lansase a graffigná un peccietto.
A questo maschinetto
Per zointa ro Poisté
Non gh'havè manco tanta charité,
De lasciaghe d'in tr'ongie quell'anello,
Chi ghe puoeiv'a livello,
Mentre Meistro Vinsenzo ro remorca,
Servighe per sposase con ra forca;
Ma lié responde questo macciarollo
L'annello chi ghe tocca o l'ha a ro collo.
Lustris.o Patron, za che da vuoi
Con gusto son stimé ri mé porcoí
Con parolle, e con feti sta mattin,
Fassandov'un inchin,
Ve ne mando l'assazzo, azò per rie
Possé leze, e assazá ste porcarie
