 |
Questa pagina a no l'è stæta corretta. | |
A ra fin lié assì ferio
Sciù ra testa, e drent'un dio,
O l'ha piggiou per fase tropp'avanti
Ra sene santa de doi giorni inanti.
Ma per gratia dro Segnó,
Sto foró
Se quieta da li a un poco,
E si poco
Fui ro má, che dí conven,
In somma no gh'è má, chi stagghe ben.
Onde tutto reparoù,
Si ben l'e quareisemoù,
Ceprian stà collando ra sariva,
Per savei cose fé, se sei ciù viva.
O signora comá,
Cose Diavo in somma stevo a fá?
Mi si v'aspeto con ro tempo bello,
E in tanto a bella posta mi ho lasciou
De montá sciù l'angioù,
Perchè vorré piggiamene un s[c]cianchetto,
Che me tegnissi vuoi ro paneretto,
Se non m'attendei presto l'impromissa,
Son chì, fé conto che me ven ra stissa.
Se vuoi me dé dell'ara,
Non manco de spuara,
Se ben re nostre cose non n'en degne
