 |
Questa pagina a no l'è stæta corretta. | |
Bella me dí con sdegno
Collo, che gambe se ne fa de legno?
Serto ch'hei torto grande
A trattame così,
Perchè non cazei vuoi, son cheito mi.
Savei de cos'ho poira?
Temo seguro, ch'haggie indovinoù
Chi m'ha pronosticoù,
Che me deggie ro collo un di rompí,
Se vegno appruoevo a vuôi.
Lustrissima Patronna,
A ra bonna,
Tra de mi vaggo pensando,
Che vuôi quando
In tro miegio dro pensá,
N'havei visto Carlevá,
Havei dito così cian
Vatt'a piggia Ceprian.
Eccate, ch'in tro miegio, per finira,
Ro vostro Ceprian si se retira.
Da unna banda havei raxon,
Ma a canzon,
L'è ch'in fin lunesdì grasso
Meschinasso
Per paxiá doi che se davan,
E con re arme nue se stramenavan
