 |
Questa pagina a no l'è stæta corretta. | |
Dighemmosera s[c]cietta,
Questa cosa ve dà assé de viegio,
Ma puoeivel'andá miegio?
Cos'hei a dira stimoù n'è stet'incetta?
L'egua, ch'in questa valle,
Ve ciuoeve sciù re spalle,
N'occorre stá a dí chì tacche baracche,
V'ha un po bagnoù, ma a v'ha levoù re tacche.
Onde a serti fanetti,
Che tolle tolle appresso ve criavan,
Gh'è cheito ri noetti,
Perch'a n'è andeta comme se pensavan.
E a despeto a ra fin dell'Antechristo,
A ra fin feta han visto,
Che dre vott'inganná se pò ra gente
Piggiando per corpeive un innosente.
Sciù donca allegramente,
Mentre mi giubilando per dosessa
Vuoeggio sparaghe un tiro d'allegressa,
E per sò amó a ra barba dro Demonio
Vaggh'oura a coltivá ro matrimonio.
Lustris.o Patron,
Non sò cose l'atr'heri ve pensassi,
Quande in vuoi tanto gusto me mostrassi,
D'havei dentr'o vostr'horto ro Dragon;
Pensavi foscia vuoi,
Che per guardia de tante belle scioi
