Dime, "Barascio, taxi,"
Tegním'in brasso, e fé scoccá ri baxi;
E per dame ciù gusto,
Mireme de bon oeggio,
Dandome dro tettin quande ne vuoeggio.


A ra Sig.ra Maddalena Lomellinna vestia a ra Franseise.


Con l'habito Franseise,
E i suffi senerenti, che porté,
Me parei giusto, a divel'in Zeneise,
Un Gallo ma de quelli accaponé;
E se a stagná ro sangue,
Quande a re votte un Gallo s'accaponna,
Ra senere l'è bonna,
Portando vuoi ro suffo
De senere imbrattoù,
L'è segno che re creste v'han taggioù.
Vorrei che mi v'insegne,
Per guarí de sto má, unna resetta,
Ch'è ra vera, e perfetta,
E sarà ra ciu presta?
Inseneré ra ... e non ra cresta.


A ra Sig.ra Maddalena Senturionna che haveiva dito all'autó mentre o caseiva: "Collo, che gambe se ne fa de legno."


Donca, perchè son cheito,