 |
Questa pagina a no l'è stæta corretta. | |
Comme bizarro s'erze Anteo cazendo,
Comme viegia Fenixe se renuoeva,
Comme biscia a ro só fa pelle nuoeva,
Così lié se vivifica morendo.
Si che in lié per retrogrado zirando,
In lié mesmo s'incontra mentr'o zira,
E in viva morte respirando o spira,
Da ra fossa a ra chinna trapassando.
A vuoi patron, che muoé vegní a ra fin,
Incitató, ma vincitó dell'anno,
A ro tempo fassand'un dose inganno
In opera de vuoi degne attioin.
A vuoi ben che sacciando immortalave
Con versi de vuoi degni e naturé,
Mentr'in Pindo sciù l'aze cavarché
Dra canneva dre muse havei ra ciave.
A vuoi ch'in un sonetto avei stupendo
Ogn'un ve stimma ciù ch'un conte Orlando,
Mentre re bonne feste oura ve mando
Cum totis membris me vobis commendo.
Fra doze segni in Cé sempre muoé nasce,
E a ro zirá dro só l'inzovenisce.
L'anno, scio Giurian, ch'oura finisce,
