 |
Questa pagina a no l'è stæta corretta. | |
Sciù re ciappe all'inferno se destende;
Non sò se lé l'intende,
S'o fasse ro mincion per schivá datio;
Promissio boni viri est obligatio.
Paddre Carlo Maria,
Me despiaxe che Vossignoria
Fasse tanti sciaratti
Per estingue lasciù tutti ri gatti.
Se sei quelli si matti,
Che non voggié lasciá ri gatti vive
Vorrei de luoeghi topici fornive.
Mando con sto biggietto,
Comme dirò, s[c]ciuppetto
Mando mesura, póvere, ballin;
Ma, poveri meschin,
Se ri orei ammazzá
Paddre, non ri fé gueri penezá?
Se vorrei faghe fá
Manco martirizá ra morte soa,
Arrivemeghe li sotto ra coa.
Reverendo Patron,
