 |
Questa pagina a no l'è stæta corretta. | |
E si ben m'inzegnei
Per faghe con sodezza penetrá,
Ch'a s'aguardasse a non me ghe lasciá,
Ch'in fin senza locciá,
In somma non vá a dí
A m'e riuscia primmo a mi ch'a vuôi;
Mentre questa mattin nostra moggié,
Mediante sempre ro superno aggiutto
Prest'e ben, sciù doi pié
A me ne ha fet[o] un mas[c]cio dro tutto.
Si che, per gratia sò, l'è molto honesto,
Ch'un di quande vorrei femmo ro resto.
Lustrissimo Patron,
Ro povero Giurian
Da puoe che se contrammo pe ra via,
Stà fassando chì in letto ro bozan
Con un pié, e unna gamba arenzenia,
Si houra posso dí che veramenti
In porto m'han portoù cattivi venti,
Mentr'ho contrario a ri mé pié meschin
Un vento nominoù vento servin.
Vuoi sei cos'oeggio dí,
Perch'havei bon giuditio;
Non puoe ciù stá si tacita ra musa,
Che non fasse dro pié ra man l'ofitio,
Chi non puoe fá de ciù merita scusa.
