 |
Questa pagina a no l'è stæta corretta. | |
Che voxette, che se sente,
Cose gh'elo, bonna gente,
Di figgiœu veddo veegnï,
Pellegri, stëli a sentï
Comme cantan in onô
De S. Giacomo Maggiô
Sea, vellûo, öu, argento
O l[']è o bello vestimento.
Ma aoa chi za se commenza
A fâ vedde e compagnie
Che costian muggi de lïe,
Cose o dito muggi d’öu,
Ma n’importa, viva u Möu;
Se presenta pe a primma
Unna Croxe ricca assæ
Con travaggi d'öu, ammiæ
Che grandezza, che maestæ;
A l'é de sant’onorato;
Brai Tenzoï v’ei sapûo spende
De roscinne, ma pe rende
Di tributi, e de l'onô
Ao gran vostro protettô,
No s’amia, a spende dinæ:
Belle cappe, belle assæ.
