 |
Questa pagina a no l'è stæta corretta. | |
Se t’æsci da pensâ che t’hö scordôu,
Percöse le zà ûn pö che no te çillo
T’aviesci de caroggio ben sbagliôu
E — statene — Mafféo — ti fæsci pillo!
A cheita, e senza manco dîme bôu,
L’influenza — questo mâ da coccodrillo —
A m’ha aggoantôu pe-a gôa, a m’ha scrollôu
E a me n’ha misso ûn parmo in to bacillo!
Son chì, pin de catâro, pin de tosse,
A bottezzâ, pe-a frëve, drento a o letto;
A méttime di inciastri e a beive gosse!
Però, quello pittin che me remetto,
M’arso in setton, e, comme ninte fosse
Invece de dormî.... fasso un sûnetto!
