 |
Questa pagina a no l'è stæta corretta. | |
E. R. CALVETTI
Drento di quattro vèrsci, in sciâ Revista,
Che t’æ scrito in memöja de mæ poæ —
Sergente con Gaibardo e vëgio artista —
Ghè o nöbile tö chêu, ghè a tö bontæ!
Ghè o reciammo a di tempi no ciû in vista;
Ai ricördi ciû câi da nostra etæ.
Ghè ûnn’onda de poexîa ch’a ne riacquista
A l’affetto di mörti non scordæ!...
Amigo! Dietro a ûn vello de tanti anni,
Ti me mostri mæ poæ, che veddo e sento,
Comme s’o reçitesse ancon çerti tiranni!
Ti ascì — poeta — te veddo! E me rammento
Quande, con bianca mano, senza inganni,
Ti-a locciavi a ûnn-a vergine... in Morcento!
.jpg)
