 |
Questa pagina a no l'è stæta corretta. | |
Lè ûn pö che pe Campetto
E da-o sciû Mongiardin,
M’ei perso de rispetto
E me ghe dæ ûn pittin.
Me pâ che saiva l’ôa
De fâla terminâ,
Percöse sta demôa
L’ei tösto rescadâ.
S’ei goagno ûnn-a partîa,
Zugando c’o bacillo,
No poei fâla finîa
Co-a stoja de l’ascillo?
Quande mai se fusse
Ch’avesci ben goagnôu,
No’ fæsci tante .....
Se fîsci ûn bon zugôu.
Finila, pansa molla!....
Vegnî, s’ei du figæto,
A mantegnî a parolla
Pe-a sfidda che v’ho dæto!...
