 |
Questa pagina a l'è stæta corretta. | |
―52―
rego de peive da vende... se tratta de mïa lïe... bezêugna che vadde, ma sciä no se dûbitan andiä tûtto ben... semmo inteisi, doman poi vêgno sciù mi e ghe daggo a-o resto... vaddo a salûä o sciö Nicolla (tutta questa parlata con estrema volubilità).
SCENA VIII.
Nicolla, Manuello e detti.
Nic. Ma insomma l’é deciso che sto caffè o no se piggia?
Man. Ma miæ Nicolla, no v’incomodæ, mi no ne piggio mai...
Nic. Se no ne piggiæ voî, o piggio mi, o piggia o sciö Pippo. (a Manin) E ti cose ti stæ a fâ chi? ti no pœivi andâ ûn pö zû a vedde cose fan?
Manin. Ti me o dixi a mi? son forse mi che devo fâ o caffé?
Nic. Bella risposta!
Man. Ma se non ghe a speiza!
Nic. (cominciando a riscaldarsi). Scì scignor, o caffé o ghe deve êse e se o nö piggiä nisciûn ö cacciö zû do barcon.
Pip. (piano a Manuello) Ebben, sciä g’ha parlôu?
