 |
Questa pagina a l'è stæta corretta. | |
―95―
Fal. Questo l’è sottinteiso.
Ber. Questo o va da lê.
Man. A no fa manco ûnn-a rappa.
Ros. No gh’è manco da parlâne.
Pip. E va ben! dunque non ne parlemmo... tanto ä mæ etæ ûnn-a donna in casa a me ghe vœiva.
Ros. E mi?
Pip. (sospirando). Ve piggiö voî ascì.
Ros. Cö Gioannin?
Pip. (c. s.) Cö Gioannin (doppo ûn meise ï mando via).
Fal. Aoa gh’é ûn’âtra cosa.
Pip. Oh meschin de mi.
Fal. E speise da çitazion... i mæ passi...
Pip. (interrompendolo). I paghiö mi, ma sciä taxe.
Manin. Dunque semmo tûtti arrangiæ?
Pip. Scì, tûtti (mi son arrangiôu pë feste!) Gh’è ciû ninte? nisciûn vêu ciû ninte?
SCENA ULTIMA.
Gioannin con lettera e detti.
Gioa. Unn-a lettera pe o sciö Pippo (gliela porge).
Pip. Unn-a lettera per mi? dixeïvo ben (legge e poi grida) Ah! questo o l’è o colpo de grazia! Ho perso a lite... o carego de peivie l’han
