 |
Questa pagina a no l'è stæta corretta. | |
Sûnetto.
Beneita mille votte, e beneixïa
E benedetta quella magnettinn-a,
Chi sa fâ unn-a Tortetta pasqualinn-a,
E ve a presenta cäda, e brustolïa;
Beneito sæ quell’êuggio chi l’ammïa,
E quell’odô ch’a manda da vixinn-a,
L’erbetta, o cuccon fresco de pollinn-a
E quella prescinsêua chi scappa via;
Beneita seggie a meìzoa cö cannello,
O siäso, e a faænn-a chi se lascia stâ,[1]
E l’êujo chi ven zù comme un spiscioello;
Beneito seggie o forno cö fornâ;
O testo, o tondo, a ciûmma cö cottello,
E quella bocca chi ne pêu mangiâ.
- ↑ "tiâ" inta verscion do 1833
