 |
Questa pagina a no l'è stæta corretta. | |
Fù ûnn-a votta domandôu
A ûn Filosofo, per cose
Mai moggê avesse piggiôu?...
Per poeì vive (o ghe rispose)
Ciù tranquillo; se troviö
Unn-a donna bonn-a assæ
In sti tempi indemoniæ
Son ben çerto, che a perdiö;
Se m’intoppa ûnn-a cattiva,
A m’ammassa, e morta, e viva!
Se a l’è ricca, gren preteize!
Se a l’è povea, de gren speize?
Se a l’è bella, ghe vêu intorno
Sentinelle nêutte e giorno!
Se a l’è brûtta, oh che spavento!
Se ciarlonn-a, oh che tormento!
Se a l’è mûtta, mi meschin!
Dunque stö sempre fantin,
Per no perde co-i dinæ
A salûte e a libertæ.
