 |
Questa pagina a no l'è stæta corretta. | |
Perchè a disse fra de lê,
Sö ricompensâ da-o Çê.
Quante votte a-o mondo avven
Che da chi se fa do ben
S’ha di casci in ricompensa;
Ma bezêugna aveì paziensa,
Consolâse fra de Lô,
Aveì fede ne-o Segnô,
Che se i ommi ingrati son,
Lê dà sempre o guiderdon.
Unn-a Vorpe vegia e finn-a
A disnâ ûn giorno a l’inviò
A Beccassa so vexinn-a,
Che per smorfia a l’aççettò,
E sciccomme a çercò o moddo
De bûrlâla, a gh’appaeggiò
Unn-a pignattâ de broddo,
Che in t’ûn testo a ghe versò.
A Beccassa a s’affannava
Con o becco de pittâ
Quello broddo, ma o scûggiava
Senza poeîne mai collâ;
