 |
Questa pagina a no l'è stæta corretta. | |
Introdûto fù ûnn-a votta
In brillante, scelta e dotta
Societæ, ûn gran Letterato;
O sò arrivo fè do sciäto,
E causò dell’invexendo;
S’andò sûbito sparzendo
Che ûn Virtuoso grande o l’ëa;
Ghe fèn tûtti da gran cëa,
E l’andavan cortezzando
Con riguardi e con manëa:
Mentre o stava contemplando
Tante belle in eleganza,
Verso lê presto s’avvanza,
Tûtta linci e squinci, quella
Che a despëto da brigata
A voeiva ëse a ciù garbata
E a ciù spiritosa e bella:
(Ma a l’ëa incangio ûnn-a scemmella!)
