 |
Questa pagina a no l'è stæta corretta. | |
Duî Coscrîti boin amixi,
Granatê (senza barbixi)
Un mincion, l’atro fûrbon,
S’impegnòn fra lö, e se zûòn
De non mai abbandonâse,
E a vicenda d’aggiûttâse
In qualunque circostansa
Comme i Paladin de Fransa;
Van ä guæra, e a-o primmo attacco
Unn-a balla de cannon
A te porta via per bacco!
Unn-a Gamba all’asperton,
E o destende lì pe-a stradda;
Presto presto so Cameadda
Scrupoloso d’osservanza
Con stentâ se o mette in spalla
Per portâlo all’ambulanza;
