 |
Questa pagina a no l'è stæta corretta. | |
Quando fù tûtto pattuïo,
Ghe va in casa a so Sposôu,
Che veddendoa coscì bella,
Ciù brillante che ûnn-a stella,
Sempre ciù o se n’invaghiva,
E con parollinn-e tenere
O l'assomeggiava a Venere
E o ghe disse ti ë a mæ Diva!
Ah! che non ho questo merito
(Ghe rispose a Semplicetta
Con modestia e ritrosetta)
Tanti elogj no me merito
Dä bontæ vostra infinita....
E perchè, Bellezza? (o criò)
Perchè son Ermafrodita...
Mille grazie!!... o se n’andò.
