 |
Questa pagina a no l'è stæta corretta. | |
Chi vêa imprende a vive a-o mondo
Se provvedde sto libretto,
Tanto ciù che gh’è o segretto,
Chi o sa lëze ben a fondo,
De fâ scagge, e de vegnî
Letterati a ciù no dî,
D’acquistâ dell’importanza
E de fâse rispettâ......
Mi confesso a mæ ignoranza,
No ghe l’ho sapûo trovâ,
Coscì son sempre restôu
(Ben contento che ne son)
Quello ch’ëo, finindo in on...
Perdonæ, se v’ho seccôu.
