 |
Questa pagina a no l'è stæta corretta. | |
Per saveì stâ in Societæ
Bezêugna ëse ben armæ
De riguardi, convenienze,
D’attenzioîn, condiscendenze,
L’amô proprio lûxingando
De chi se va praticando
Con de poetiche licenze,
Cioè, per fâne a tradûzion,
Ese meistri ne-a finzion,
Che a sccettessa a no conven,
E a prodûe ciù mâ che ben.
Parlo contro a mæ conscenza,
Perchè a finze no son bon,
Ma ho imparôu dall’esperienza
A dî e cöse comme son;
Perchè ho visto, che a chi manca
O talento co-a bravûa,
Ghe sûpplisce a faccia franca,
A gran lengua e l’impostûa,
