 |
Questa pagina a no l'è stæta corretta. | |
Figgi cai, mi no savieivo
Se m’inganne; e asci vorrieivo
Ingannâme, ma me pâ,
Che succedan ne-a giornâ
Troppo spesso çerte cose
Maliziose e disgûstose
Che fan di all’ommo chi è sccetto:
No ghe n’è ciù ûn dio de netto.
Nod è questo o lêugo, e o tempo
Da parlâne seriamente,
Ma coscì per passatempo
Ne parliö bûrlescamente
Per passâ a gnàgnoa, e per fâ
Quattro ciance da fugoâ.
Stæ a sentî, ma se ve tedio
Vortæ a carta, e gh’è o rimedio.
Eì ûn credito da schêuve
Arçicheprivilegiôu,
