 |
Questa pagina a no l'è stæta corretta. | |
Nè in te ciûmme, o da-o cammin,
Ma sciortî seja, e mattin
Per l’impiego, e pe-o negozio,
Dîme ûn pö dove se passa
Senza rischio de piggiâ
Da ogni stradda, da ogni ciassa,
Un malanno da creppâ?...
Sci scignor da ogni fissûa,
Ve gh’aspëta ûnn-a puntûa?
Serve assæ o tappâse ben
Con Feriöli, e Baracchen,
Capottoîn impellissæ,
Se corrî ûn pittin ciù sûæ,
Se ve sciûghæ addosso o sûô
Ghe vêu o Mëgo co-a lansetta
O Speziâ con l’ampolletta,
O Scrivan cö Confessô!
O stagion orrida, e crûa,
Che chi ê[sic] grasso perde a drûa
E chi ha e gambe ûn pö ciû lisce
O diventa ûn stocchefisce!
Brûtto Inverno mascarson,
E gh’è chi se o prega ancon?...
O che freido maledetto!
Neiva, e giassa nêutte, e giorno,
No se pêu ascädâ ciù in letto
Da chi a ûn pö manco in to forno...
Se ven tûtti arrensenii
Rincresciosi, intirissii,
O pe-i calli, o pe-i brignoîn,
O pe-a mûa chi ve scarpenta,
O a podraga chi v’addenta,
No se pêu appuntâ i cäsoîn,
