 |
Questa pagina a no l'è stæta corretta. | |
Comme l’è stolida, - comme l’è strana
L’idea che domina - a razza ûmana,
Che në Metropoli - dove se sente
Un sciäto orribile - continuamente,
Se trêuve l’ûnico - scito giocondo
Per vive a-o mondo!
Che là se pratica - gren Personaggi,
Gh’è de magnifiche - carrosse, e paggi,
Palazzi, e Mobili, - Lûsso Eleganza,
Modiste, Fraveghi, - Chêughi in fragranza,
Meistri de mûxica, - de scherma, e ballo,
Lêughi de sciallo!
