 |
Questa pagina a no l'è stæta corretta. | |
A l’andò torna da lô
Quando o lin o matûrava:
Figgi cäi, guastælo presto,
Descciantælo, a ghe sbraggiava,
Ve l’ho dito zà træ votte....
Ma ciù ûn pö ghe dan de botte;
A scappò da quelli allöa,
E dall’ommo a se n’andò,
A o pregò da so amicizia,
E con questo a pattezzò
De fâ o nïo per primma baze
Sotto i teiti de so caze;
Quando o lin fù raccûggeito,
Se fè o spago e a terragninn-a;
ln to nïo stava segûa
Co-i so figgi a Rondaninn-a,
Ma co-i roccoli e i sorchetti
Fûn piggiæ quelli Oxelletti.
Questa Foetta a l'è adattâ
Per quelli ommi testardoîn,
Che no san mai profittâ
Di conseggi e di paeì boîn;
Fan e cose de capriçio,
Senza testa, nè giûdizio,
Coscì van presto in mallöa,
E s’accorzan solo allöa
D’ëse stæti axi e testardi,
Se ne pentan, ma l'è tardi.
