 |
Questa pagina a no l'è stæta corretta. | |
Ve ne conte ûnn’atra nêuva?
Sento ûn sciäto l’atro giorno,
Mentre andâvo in Ciassanêuva
De tromboîn, trombette, e corno,
Me gïo, e veddo camminâ
Tanta gente invexendâ,
M’avvixinn-o là co-i atri,
E vedd’ûn tûtto vestïo
Comme i Prinçipi da teatri,
Drïto in pê, serio, instecchïo,
In carrossa a treì cavalli,
Con Lacchè, Paggi, Camalli
E quattro Ussari arraggiæ
Con mustasci longhi affiæ
Che s’arvivan da-o sûnnâ;
Tûtt’assemme o i fà fermâ.
Doppo fæto ûn gran salûo
O ghe dixe « Garbatissimi...
Miei Signori ossequiosissimi...
(Ma in zeneize ve a tradûo)
