 |
Questa pagina a no l'è stæta corretta. | |
Tûtta orlâ de peì de gnacchera,
Ch’a l'aveiva, non esagero,
Quattro dïe de lardo in circolo;
E portavo a lansa in man,
Cioè ûn lunghiscimo baston,
Per difendime da-o can
Chi me voeiva fâ a bûrletta
D’addentâme, o mascarson,
Comm’o fè da perrûcchetta.
Ma, me dieì, perchè raxon
Semmo stæti tanto in Rûa?
Rispondiö con precision:
Primma causa fù o Patron,
Perchè o licenziò ä dreittûa;
Çeimonioso comm’o l’ëa,
L’ûnn-a e l’atra Rebellêa,
Perchè o voeiva che passascimo
Là treì giorni, e se gödiscimo;
E o veddeiva poi beniscimo
Ne-a manëa che se trovascimo,
Che no poeivimo viaggiâ
Senza o mascimo pericolo
De creppâ pe-a stradda sûbito,
E o ne fè lasciù restâ.
I motivi poi ciù ûrgenti
Stæ a sentî, son i seguenti:
Che vegnì ûnn-a scarlattinn-a
Aa Sposâ Sanremaschinn-a,
Chi l'ha missa a mâ partïo;
O Sposôu l'è[sic] ascì colpïo
Da ûnn-a freve mangiarinn-a
O l'andava in consûmmon;
