 |
Questa pagina a no l'è stæta corretta. | |
602
Brava! disse o Çiçeonetto,
Aoa a stûdia qualche duetto,
E capindo tûtti treì
Se n’andemmo a-o numeo Treì
(Dove insemme c’ûn Sûnnôu
Stava ûn pûbblico Impiegôu,
N’arvì a porta ûnn-a scignoetta
Ben graziosa, ûn pö brûnetta,
Gentilmente a ne fè giâ
Tûtta a casa ammobigliâ
Con di corni, e di tromboin,
Gatti, Chen, Ciosse, Pullin.
Ben contenti se restava
De sta vixita, se ûn gatto
Vegio bardo, chi m’odoava,
E scorriva comme ûn Ratto
Doppo aveime granfignôu
No m’avesse profûmôu!...
De manëa che tûtti i Gatti
Poi m’han dæto i so recatti;
E se ûn sciammo de figgiêu
No frusciavan Don Grighêu:
O baston chi ghe piggiava
Chi in ta stacca ghe frûgava,
Chi ghe tiava e lasagnette ,
Chi ghe despuntava e ghette,
Chi a-o relêujo se gh’è appeiso
E l’ha rotto, ben inteiso.
Che serpenti de figgiêu!
E per zunta Baciccin
O dixeiva a Don Grighêu
Sciâ pâ a ciossa co-i pullin.
