 |
Questa pagina a no l'è stæta corretta. | |
Prestime un fregoggin
Da roba, che ti g’hæ,
Allöggime un pittin
Finn-a che vegne a Stæ,
Che te prometto, caa,
De date o frûto e o costo,
In fede de Sigaa,
Primma che vegne Agosto.
A ghe rispose, amiga,
Te contentiæ voentëa,
Ma mi n’impresto miga,
Nè fasso a Locandëa;
Prinçipia inverno anchêu,
Ho ûnn-a provvista affiâ
Per mi e pe-i mæ figgiêu
Con economizzâ;
Dimme ûn pittin, per cose
Sta Stæ ti no pensavi
Comme mi a queste cose?
Allöa cose ti favi?....
Tegnivo o mondo allegro,
N’ho fæto che cantâ....
Brava! me ne rallegro,
Aoa ti pêu ballâ.
A ti asci, ommo pötron,
Perdigiorni e spenscierôu,
Da Sigaa (se ti no cangi)
O destin t'è preparôu.
