 |
Questa pagina a no l'è stæta corretta. | |
Se no fosse per tediâve,
Me ven l’æstro de contâve
L’istoietta da mæ gita
A Milan co-a Diligenza
Perchè a meita d’ëse scrita
Per no perdine a semenza,
E perchè gh'è l’argomento
D’ûnn-a bella Farsa drento;
Ma me vêuggio fâ coraggio
Ve a diö megio che saviö,
E ciù presto che porriö,
Stæ a sentî dunque o mæ viaggio
Fæto in bonn-a compagnia
De mæ Nevo Pippo-Andria.
A mattin do giorno tale....
Ognûn se trovò puntuale
Antelucem ne-a remissa,
Aspëtando l’öa prefissa
Da imbarcâse per partî;
Li ghe fù ûn pittin da dî,
