 |
Questa pagina a no l'è stæta corretta. | |
Ti n’hæ provvisto - carne de Gnäo
Per fâ o stûffôu?.... - Scì, coso cäo!
Ti hæ brustolïo - a Cicorêa
Per fâ o Caffè?.... - Quanta ghe n’êa!
Tûtto qnell’Amido - ne-o Sûccao fin
Ti l’hæ mescciôu?.... Scì; pestûmmin!
Quello formaggio - verde camuôu
Chi sa de pæsta?.... - O l'è grattôu!
E o Gran cattivo - per fâ o pan bon?....
L’ha zà o Moinâ! - Brava! Ciccon!
De fâ l’Ostessa - ti ë proprio degna:
Vêuggio fâ scrive - sotto l’insegna:
Questa a l’è a Bettoa - de l’Onestæ!
A questo moddo - se fa dinæ!
