 |
Questa pagina a no l'è stæta corretta. | |
Che bella cosa - è l’Onestæ!
(Dixeiva ûn Oste - ä so meitæ);
Oh quanto credito - per lê acquistemmo!
Quanto concorso - de gente gh’emmo!
A-i nostri impegni - sempre adempimmo,
A pansa e a stacca - per lê s’impimmo!
Paghemmo sûbito - i venditoî,
Femmo credenza - a-i compratoî;
E n’imprestemmo - a chi non ha
Co-i frûti e o pegno - comme ognûn sa....
Che cosa bella - è l’Onestæ!...
Damme da beive - Cicca che ho sæ;
Dimme! a propoxito - ti hæ battezzôu
Quello vin forte?.... - L'ho raduggiôu!
Nell’ægua-vitta - quello pastisso
Per fâ o Rosolio?.... - Scì, ghe l’ho misso!
O vin de Malaga - per Præ Donnôu
Ti l’hæ ancon fæto? - O l'è inlaccôu!
