 |
Questa pagina a no l'è stæta corretta. | |
Me ghe strêuppio in to passâ,
Che me fan scciûppâ i brignôin...
Son tûtt'agro i mæ çetroin!
Figgia caa, no v’arraggiæ,
Dæghe tempo, che i levian,
E magara ghe mettian,
Pè avansâ de parpaggiêue,
Quelle lastre rotte e uzæ
Che se scarta dä Çittæ...
Brustolie e mæ nissêue!
Ghe i hò dusci i portughæ!
Unn-a stradda, che veddiemo
Fra e ciù belle, e regolæ,
Se però no s'inghêuggiemo
(Comme vêuggio ben sperâ)
A l’è a Giulia, ma però
Quando a sä tûtta allineâ,
Drita in lenza, e ûn pö allargâ,
Comme So Maestæ ordinò;
E scentiä quelle trabacche
Laterali de Baracche
Là dä Gexa, e o Cazottin
Da mosträghe i burattin
Tûtto morsci, e ciappassêu!...
Comme scentò, Cattainin,
Quell'enorme Fabbricato
Verso e Porte, ch’ëa tropp'ato,
E o croviva proprio o coêu!...
In Çê voeiva andâ o Padron!
Ma o l’hà avûo tanto giûdizio
De piggia a so dimiscion,
E o l'è andæto in preçipizio
