 |
Questa pagina a no l'è stæta corretta. | |
Vorteì bordo, e andeì corrindo
Senza giâme ciù in derrê
Che ä manêa che me squaddravan,
Se m’affermo, m’accoppavan!
Me troveì da San Mattê,
Che bordisco, figgi cäi!
Terminava e schêue, e i scoläi,
Che sboccavan da-o porton
Comme balle de cannon,
Camminando comme diäi,
Tiando fischj che insordivan,
Se batteivan, se scorrivan,
Libbri e querni all’aja andava,
E in sciä testa a chi passava!...
Chi ne fesse ûn pö de notta
Per mandâli via dä schêua,
Ghe scommetto (ûnn-a nissêua!)
Che nö faeivan atra votta;
Tempo perso!... andemmo a-o resto.
Camminavo ancon ciù presto,
Che s’ëa fæto tempo brûtto;
Me trovavo, me sovven,
Ne-o caroggio di Scriven
Che scontravo da per tûtto,
E se mette a dilûviâ;
No me posso ciù virâ
E me tocca andâ inderrê
A ûzo gàmbao, cö panê.
Me spolmonn-o da-o sciûsciâ
E co-a bocca, e cö sciûscetto,
Cöro, e piggio comme posso
Questo e quello caroggietto
Co-e grondann-e sempre addosso,
